---

Tempoly mainty iray zay miery anaty zavona

Fonenan’ny aloka efa may, sy fisoronan’ireo voaozona

Ao no monina ireo maty, sy ireo fahavalon’ny hazavana

Ampian’ireo fanahy ratsy, sy ny miaramilan’ny satana

Rehefa misasaka ny alina, ka mandrakotra ny tany,

‘Lay lamba mainty matsiravina, dia indro atombony ny sorona

Ka alatsany ny ra eo ambonin’ny alitara

Ary dorany ny fanahy, mba iantsona an’i satanah

Dia manako tsy akijanona, ny vavak’izy ireo

Ka raha enoina sy tazanina, dia miantso anao ‘lay feo

Tsy aiza nefa izany, ary tsy lavitra anao

F’ity tenako ihany, no indro tantaraiko

Hatramin’ny nisaloran’ny fanahiko

‘Lay lamba mainty, mihoson-drà

Dia lasa miendrika tempoly

Tempoly iray, mitelina fanahy

Ka miomàna ianao anio, fa hoavy aho ao anaty nofy

Nef’ity no tadidio, sanatry aho ny handrotsirotsy

Fa ny fanahinao no ilaiko, hoentiko hampijalina

Any anaty ny lavaky ny aizina

Fonenan’ny habibina

Dia manako tsy akijanona, ny vavak’izy ireo

Ka raha enoina sy tazanina, dia miantso anao ‘lay feo

Tsy aiza nefa izany, ary tsy lavitra anao

F’ity tenako ihany, no indro tantaraiko

Hatramin’ny nisaloran’ny fanahiko

‘Lay lamba mainty, mihoson-drà

Dia lasa miendrika tempoly

Tempoly iray, mitelina fanahy

Ka mandoaliha ianao ry velona

Asandrato mafy, ny tomany

Fa ny fanahinao ho levona

Eto antanako ihany

Dia manako tsy akijanona, ny vavak’izy ireo

Ka raha enoina sy tazanina, dia miantso anao ‘lay feo

Tsy aiza nefa izany, ary tsy lavitra anao

F’ity tenako ihany, no indro tantaraiko

Hatramin’ny nisaloran’ny fanahiko

‘Lay lamba mainty, mihoson-drà

Dia lasa miendrika tempoly

Tempoly iray, mitelina fanahy