---

ახლა უფრო ხშირია შეცდომების დაშვება,

ახლა მოდის ივნისი, ირგვლივ მწვანე მოლია.

ჩემი წმინდა სახელი პოეზიას დარჩება,

ჩემი გული და სისხლი - ეს “Memento mori”-ა.

დღეს სამია ივნისის, მინდა იყოს ცამეტი,

ჩემს გარშემო ციხეა - მწუხარების სავანე.

რომ მდომოდა სიცოცხლე, სიკვდილს არ ვიწამებდი,

მიწა არ იქნებოდა ჩემთვის შავი სამარე.

სადღაც მთასთან იწვიმა, სადღაც მთაზე ბურია,

ამნაირი ღიმილი უწინ მე არ ვიცოდი.

ახლა მე ცას ვუცქერი, ცაზე ანთებულია

ვარსკვლავები - სიმბოლო თეთრი მარადისობის.

ახლა რა ვქნა არ ვიცი, მე როდესაც ასე ვარ,

როცა სულს ეპარება აჩრდილები სიბერის.

მე ძლიერი ტალანტი, ზეციური არსება,

ჩემი ნაზი სამშობლო - ლაჟვარდები ცისფერი.

რა ვქნა, შავი ღამეა, მძიმე და უსაშველო,

მახსოვს ჩემი სოფელი, მისი ყრუ ადგილები.

ახლა რაღაც სხვა მინდა, რაღაც სხვა, უსახელო,

რომ დაღუპვა მომელის, ვიცი დანამდვილებით.

ნელა გადის დღეები და ძნელია გარჩევა,

მე, ძვირფასო, ვერ მოვალ, გზა შენამდე შორია.

ჩემი გვარი: გრანელი - პოეზიას დარჩება,

ჩემი გული და სისხლი - ეს ”Memento Mori”-ა.

Akhla upro khshiria shetsdomebis dashveba

Akhla modis ivnisi, irgvliv mts’vane molia

Chemi ts’minda sakheli p’oezias darcheba

Chemi guli da siskhli – es “Memento Mori”-a

Dghes samia ivnisis, minda iq’os tsamet’i

Chems garshemo tsikhea – mts’ukharebis savane

Rom mdomoda sitsotskhle, sik’vdils ar vits’amebdi

Mits’a ar ikneboda chemtvis shavi samare

Sadghats mtastan its’vima, sadghats mtaze buria

Amnairi ghimili uts’in me ar vitsodi

Akhla me tsas vutskeri, tsaze antebulia

Varsk’vlavebi – simbolo tetri maradisobis

Akhla ra vkna ar vitsi, me rodesats ase var

Rotsa suls ep’areba achrdilebi siberis

Me dzlieri t’alant’i, zetsiuri arseba

Chemi nazi samshoblo – lazhvardebi tsisperi

Ra vkna, shavi ghamea, mdzime da usashvelo

Makhsovs chemi sopeli, misi q’ru adgilebi

Akhla raghats skhva minda, raghats skhva, usakhelo

Rom daghup’va momelis, vitsi danamdvilebit

Nela gadis dgheebi da dznelia garcheva

Me, dzvirpaso, ver moval, gza shenamde shoria

Chemi gvari: graneli – p’oezias darcheba

Chemi guli da siskhli – es “Memento Mori”-a