---

საღამო ამნაირ სახის

დარდივით გაჩნდება ისევ.

დაო, ვგრძნობ გრიგალის ძახილს,

დაო, ვგრძნობ წამების მიზეზს.

გათავდა ცრემლების თოვა,

ო, ხსოვნას რა ნელა ძინავს.

და თეთრი ქალწული - გლოვა

ეცემა სისხლიან მინას.

და ირგვლივ სამარეს უვლის

ფარული სურვილის ლანდი.

და ჩემი მწუხარე სული

მსგავსია დათოვლილ სანთლის.

ეს მხარე ღამდება, რადგან

ცისფერი იმედი მიდის.

როგორი სიჩუმე დადგა,

ო, როგორ ჩამოწვა ბინდი!..

მე წავალ სხვანაირ სახით,

ჩემს წასვლას დიდება მისდევს.

დაო, ვგრძნობ გრიგალის ძახილს,

დაო, ვგრძნობ წამების მიზეზს.

Saghamo amnair sakhis

Dardivit gachndeba isev

Dao, vgrdznob grigalis dzakhils

Dao, vgrdznob ts’amebis mizezs

Gatavda tsremlebis tova

O, khsovnas ra nela dzinavs

Da tetri kalts’uli – glova

Etsema siskhlian minas

Da irgvliv samares uvlis

Paruli survilis landi

Da chemi mts’ukhare suli

Msgavsia datovlil santlis

Es mkhare ghamdeba, radgan

Tsisperi imedi midis

Rogori sichume dadga

O, rogor chamots’va bindi!

Me ts’aval skhvanair sakhit

Chems ts’asvlas dideba misdevs

Dao, vgrdznob grigalis dzakhils

Dao, vgrdznob ts’amebis mizezs